Sasha Attwood unnusta Jack Grealish er líklega orðinn öllu vön þegar kemur að fréttum um að kappinn sé að hafa gaman víða um heim.

Grealish var hent út úr enska landsliðinu fyrir helgi og komst ekki í lokahópinn fyrir Evrópumótið, það voru óvænt tíðindi.

Grealish var ekki lengi að henda sér upp í einkaþotuna og fljúga til Dubai þar sem hann nýtur lífsins með vinum.

Grealish sást dauðadrukinn á hóteli í Dubai þar sem það þurfti að styðja hann út af hótelinu um miðjan dag.

Attwood er á sama tíma í Englandi og nýtur lífsins í London á meðan unnustinn slettir úr klaufunum.

Grealish er einn mesti glaumgosi fótboltans og á hverju sumri er hann mættur í góðan gír þar sem hann kemur sér oft í fréttirnar.