Olof Mellberg er nafn sem margir knattspyrnuáhugamenn kannast við en hann gerði garðinn frægan með Aston Villa, Juventus og fleiri félagsliðum, sem og sænska landsliðinu, á árum áður.

Hinn 46 ára gamli Mellberg er töluvert breyttur í dag en hann er þjálfari Brommapojkarna í heimalandinu.

Hann mætti í leik á dögunum í athyglisverðum klæðnaði fyrir þjálfara, stuttbuxum, bol og inniskóm.

Mynd af honum á hliðarlínunni fór eins og eldur í sinu en það tók knattspyrnuáhugamenn smá tíma að fatta að um Mellberg væri að ræða.

Hér að neðan má sjá mynd af honum á hliðarlínunni.