Það eru margir sem muna eftir manni að nafni Jlloyd Samuel sem spilaði í ensku úrvalsdeildinni í átta ár.

Samuel lagði skóna á hilluna árið 2018 en á sama ári lést hann í bílslysi og skildi eftir sig eiginkonu sem ber nafnið Emma Pritchard.

Pritchard var í sárum sínum er hún komst að því að eiginmaður sinn hefði í raun lifað tvöföldu lífi og var einnig giftur konu að nafni Helia Sahimi sem er búsett í Íran.

Pritchard tjáir sig um málið í heimildarþáttum á Netflix en það var vinur hennar sem ákvað að leysa frá skjóðunni og opnaði sig um framhjáhaldið.

Samuel blekkti alla fjölskylduna og tókst að fela leynda hjónabandið mjög vel en hann var búsettur í Íran frá 2011 til 2015.

,,Ég var að syrgja eiginmanninn minn og komst að því að hann væri að lifa öðru lífi, hver er eiginmaðurinn minn? Þekki ég hann?“ sagði Pritchard.

,,Fjórum vikum eftir að Jlloyd lét lífið þá þurfti vinur minn að segja mér ákveðnar fréttir. Að Jlloyd ætti aðra eiginkonu og hún auglýsti sig sem eiginkonu hans á Instagram.“

,,Ég hugsaði með mér: ‘Guð minn góður.’ Þetta var eins og að vera stungin í hjartað, ég er að reyna að syrgja eiginmanninn minn og svo kemst ég að því að hann hefur lifað tvöföldu lífi í sjö ár. Hann hefur aldrei beðið um skilnað.“

,,Ef þú spyrð mig þá var okkar samband í góðu, við vorum frábær. Kvöldið áður en hann lést þá dönsuðum við í eldhúsinu og hann sagði mér hversu mikið hann elskaði mig.“