Það virðist vera klárt hver fyrsti leikmaður Enzo Maresca hjá Chelsea verður en hann tekur við liðinu á næstu dögum.
Maresca tekur við keflinu af Maurizio Pochettino sem var látinn fara eftir tímabilið en sá fyrrnefndi var áður hjá Leicester og gerði frábæra hluti.
Tosin Adarabioyo er á leið til Chelsea en hann mun koma á frjálsri sölu frá Fulham.
Þetta fullyrðir blaðamaðurinn virti Fabrizio Romano en Adarabioyo er 26 ára gamall og var eitt sinn hjá Manchester City.
Undanfarin fjögur ár hefur Adarabioyo spilað með Fulham og lék alls 25 leiki á síðustu leiktíð og skoraði tvö mörk.
Chelsea er í leit að varnarmönnum fyrir næsta tímabil en hvort Englendingurinn verði byrjunarliðsmaður er óljóst.
