Mason Greenwood gæti æft með Manchester United í sumar þó svo að hann eigi enga framtíð hjá félaginu. The Athletic segir frá.

Enski sóknarmaðurinn er á láni hjá Getafe en á ár eftir af samningi sínum við United. Félagið vonast til að selja hann í sumar en takist það ekki verður hann sennilega lánaður á ný.

Stórlið eins og Juventus, Napoli, Atletico Madrid og Dortmund hafa öll verið sögð áhugasöm um Greenwood sem er að eiga flott tímabil með Getafe.

Greenwood er skráður leikmaður Getafe til 30. júní en takist United ekki að finna kaupanda fyrir þinn tíma er lítið sem stoppar leikmanninn í að mæta til æfinga United á undirbúningstímabilinu. Það breytir því þó ekki að hann á öllum líkindum ekki eftir að spila annan leik fyrir félagið.

Greenwood var lengi undir rannsókn lögreglu, grunaður um gróft ofbeldi í nánu sambandi. Málið var fellt niður snemma á síðasta ári.