Sticky Vicky, einn allra vinsælasti skemmtikraftur Spánar, hefur ákveðið að setjast í helgan stein eftir að hafa skemmt gestum á Benidorm, á Spáni, í að verða fjóra áratugi.

Vicky, sem heitir réttu nafni Vicky Leyton, verður 73 ára gömul á þessu ári og greindist nýverið með krabbamein. Í kjölfarið tilkynnti hún að ekki yrðu haldnar fleiri Sticky Vicky töfrasýningar og að 35 ára ferlinum væri lokið.

Fullorðins töfrasýning. Hér má sjá auglýsingar af sýningunni hennar Vicky.

Vicky hefur að vísu í pásu um nokkurn tíma vegna mjaðmaaðgerðar sem hún fór í. Á meðan hefur dóttir hennar, Demaria Leyton, verið með Sticky Vicky sýningarnar en hún segist ekki ætla að halda áfram með sýninguna, þar sem hún sé of upptekin við önnur verkefni.

Frá þessu var greint á Facebook-síðu sýningarinnar í síðustu viku og því er ljóst að ekki verða haldnar fleiri Sticky Vicky sýningar.

Flestir sem hafa komið til Benidorm, eða þekkja einhvern sem ferðast hefur þangað, hafa heyrt af Sticky Vicky. Fyrir þá sem ekki þekkja var töfrasýning hennar var auglýst sem „fullorðins“ töfrasýning enda var hún ansi djörf.

Þar lék Vicky ýmsar kúnstir, þar sem kynfæri hennar komu meðal annars við sögu. Opnaði hún sem dæmi bjórflöskur með klofinu og skaut hún borðtenniskúlum og fleira.

Fjölmargir hafa óskað Vicky velfarnaðar í kjölfar tilkynningarinnar og sagt að henni verði sárt saknað á Benidorm.

(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = „//connect.facebook.net/is_IS/sdk.js#xfbml=1&version=v2.3“; fjs.parentNode.insertBefore(js, fjs);}(document, ‘script’, ‘facebook-jssdk’));