Arnar Daði Arnarsson, handboltasérfræðingur með meiru, var gestur í nýjasta þætti Íþróttavikunnar sem er í umsjón Helga Fannars Sigurðssonar og Hrafnkels Freys Ágústssonar.

Íslenska karlalandsliðið í handbolta mætir því eistneska heima og að heiman í umspili um sæti á EM snemma í næsta mánuði. Arnar kallar eftir sannfærandi frammistöðu þar.

„Einhverjir hafa talað um að Aron Pálmarsson eigi að vera hvíldur fyrir úrslitakeppnina en við verðum að muna að það eru ekkert rosalega margir landsleikjagluggar og frammistaða íslenska landsliðsins á stórmótum undanfarin ár hefur bara verið fyrir neðan allar hellur. Það er kominn tími til að íslenska landsliðið og þjálfarateymið fari að nýta þessa glugga,“ sagði hann ómyrkur í máli.

„Frammistaða Íslands á útivöllum undanfarin ár hefur verið til háborinnar skammar. Það eru töp í Úkraínu, Litháen, Tékklandi og alls staðar en svo komum við heim og vinnum þessi lið með 10-15 mörkum. Við þurfum að fara að nýta þessa glugga almennilega og vinna þessi lið nokkuð sannfærandi, sýna að heilsteypta frammistöðu sama hvort það er fyrir fullri Laugardalshöll eða fyrir framan 100 manns í Grikklandi. Ef við ætlum að saxa á þessar stóru þjóðir verðum við að nýta þessa landsleikjaglugga og gera þetta almennilega

Kíkið á tölfræðina, ég er ekki að bulla. Þetta er búið að vera galið undanfarin ár,“ sagði Arnar enn fremur.

Umræðan í heild er í spilaranum.

Íþróttavikan er í boði Bola léttöl og Lengjunnar