Sparkspekingurinn, Kristján Óli Sigurðsson var fúll og pirraður eftir svekkjandi tap Íslands gegn Úkraínu í úrslitaleik um laust sæti á EM í gær.

Ísland tapaði 2-1 í Póllandi í gær í hreinum úrslitaleik um sæti á Evrópumótinu. Kristján byrjaði að blása þegar hann ræddi um Oleksandr Zinchenko leikmann Arsenal og Úkraínu.

„Ég vona að City eða Liverpool vinni titilinn því þetta ógeð má ekki vinna einn einasta titil, þetta er rotta í mannsmynd og viðbjóður. Ég hataði hann fyrir, svo er hann með stæla að ýta Albert og Mudryk viðbjóður, hann hitti ekki einu sinni boltann í þessu marki,“ sagði Kristján Óli í Þungavigtinni.

Hann ræddi svo um leikinn. „Við hlupum mikið og vorum þreyttir, við fórum með marga full hátt í fyrra markinu. Gummi Þórarins reyndi ekki einu sinni að verjast.“

Kristján vill einnig fá svör frá Age Hareide um Gylfa Þór Sigurðsson sem ekki var í hópnum. „Ég sagði það fyrir helvítis gluggann að það þyrfti að taka hann með ef við værum í séns á þessum þriðjudegi síðustu fimmtán mínúturnar.“

Kristján og Mikael Nikulásson fór svo að ræða dómgæsluna í leiknum en Mikael var á því að dómarinn hefði átt góðan leik en en Kristján var ekki sammála og upp úr sauð. „Djöfull langar mig að slá þig núna. Ég tala með munninum þarna gríska djöfulsins jógúrtið þitt,“ sagði Kristján nokkuð óhress.