Það er einn leikmaður sem komst mikið í fréttirnar um helgina en það er varnarmaðurinn Mason Holgate sem spilar með Sheffield United.

Holgate bauð upp á ógeðslega tæklingu í 5-0 tapi gegn Brighton og fékk verðskuldað rautt spjald eftir 13 mínútur.

Fyrrum liðsfélagi hans og vinur, Gerard Deulofeu, hefur gagnrýnt þessa hegðun og kallar eftir því að Holgate verði refsað verulega.

Holgate er á leið í þriggja leikja bann en margir kalla eftir því að hann fái enn lengra bann fyrir þetta groddaralega brot á Kaoru Mitoma.

,,Þessi strákur var liðsfélagi minn um tíma en ég er að sjá þetta í fyrsta sinn og ég er miður mín yfir þessu,“ sagði Deulofeu.

,,Við þurfum að taka á svona tæklingum um leið, það er ekki hægt að afsaka svona hegðun.“