Það særði spænsku deildina ekki neitt að missa tvær goðsagnir í bæði Cristiano Ronaldo og Lionel Messi.
Þetta segir Javier Tebas, forseti spænska knattspyrnusambandsins, en Messi lék lengi með Barcelona og Ronaldo með Real Madrid.
Tebas gerir sér vonir um að Kylian Mbappe fari til Real Madrid í sumar sem myndi gera mikið fyrir spænskan fótbolta.
,,Það skemmdi ekki deildina að missa þá tvo því hún varð ekkert minni eftir brottförina en við getum ekki stækkað eins hratt,“ sagði Tebas.
,,Franska deildin var með Neymar, Messi og Kylian Mbappe og hún varð ekkert stærri. Cristiano Ronaldo fór til Ítalíu og það breytti litlu.“
,,Í dag erum við með besta leikmann heims í Jude Bellingham og á síðasta tímabili var Robert Lewandowski stórkostlegur.“
,,Atletico Madrid er með Antoine Griezmann en ef Kylian Mbappe kemur hingað þá mun deildin stækka hraðar.“
