Það verður ekki aðeins Jurgen Klopp sem mun yfirgefa Liverpool skútuna næsta sumar því allir hans helstu aðstoðarmenn ætla einnig að fara.

Þannig mun aðstoðarþjálfarinn Pepijn Lijnders láta af störfum samkvæmt nýjustu fréttum.

Lijnders vill sjálfur fara að stýra liðum en veðbankar setja hann í þriðja sæti yfir þá menn sem gætu tekið við af Klopp.

Peter Krawietz sem er annar aðstoðarmaður hjá Klopp ætlar einnig að hætta og Vitor Matos sem hefur séð um þróun yngri leikmanna.

Klopp hefur einu sinni orðið enskur meistari og unnið Meistaradeildina einu sinni. Hann getur bætt titlum í safnið áður en hann hættir.

Klopp tók við þjálfun Liverpool árið 2015 þegar liðið hafði átt í talsverðum vandræðum um langt skeið. Óvíst er hvert næsta skref Klopp á ferlinum er en ljóst má vera að mörg stórveldi horfa til hans.