Stórleik helgarinnar í ensku úrvalsdeildinni er nú lokið en leikið var á Anfield, heimavelli Liverpool.

Arsenal kom í heimsókn og byrjaði leikinn mjög vel og eftir örfáar mínútur var staðan orðin 1-0 fyrir gestunum.

Varnarmaðurinn Gabriel skoraði þá eftir fjórar mínútur en hann skallaði þá aukaspyrnu Martin Odegaard í netið.

Það tók Liverpool ekki of langan tíma að jafna en Mohamed Salah skoraði frábært mark á 29. mínútu og staðan jöfn.

Bæði lið fengu færi til að skora sigurmarkið og þá sérstaklega Trent Alexander-Arnold í seinni hálfleik.

Trent komst einn gegn David Raya markmanni Arsenal en setti boltann í slá og mistókst að tryggja sigurinn.

Lokatölur 1-1 á Anfield og er Arsenal enn á toppnum með 40 stig og er Liverpool sæti neðar með 39.

Hér má sjá einkunnir kvöldsins.

Liverpool: Alisson (7), Alexander-Arnold (8), Konate (7), Van Dijk (8), Tsimikas (6), Endo (7), Szoboszlai (7), Jones (6), Salah (8), Gakpo (7), Diaz (6)

Varamenn: Gomez (7), Nunez (6), Elliott (6), Gravenberch (6)

Arsenal: Raya (7); White (6), Saliba (9), Gabriel (8), Zinchenko (5); Rice (8), Odegaard (7), Havertz (6); Saka (7), Jesus (7), Martinelli (6)

Varamenn: Trossard (6)