Shane MacGowan, söngvari hljómsveitarinnar The Pogues, er látinn, 65 ára að aldri. Sky News greinir frá þessu. Tvær vikur eru síðan DV greindi frá alvarlegum veikindum hans.
Shane glímdi við heilabólgu af völdum veirusýkingar og hafði hann legið inn á sjúkrahúsi meira og minna síðasta árið. Hann fæddist á Englandi þann 25. desember árið 1957 og var sonur írskra hjóna.
Hann var hvað best þekktur fyrir að vera söngvari hljómsveitarinnar The Pogues en sveitin gaf út eitt vinsælasta jólalag síðari tíma, Fairytale of New York, árið 1988.
Hann var afkastamikill tónlistarmaður og skáld og vann með fjölmörgum þekktum tónlistarmönnum á löngum ferli sínum.
Líf hans var ekki alltaf dans á rósum og glímdi hann lengi vel við eiturlyfjafíkn. Árið 2001 tilkynnti tónlistarkonan Sinéad O‘Connor hann til Lundúnalögreglunnar vegna fíkniefna sem hann var með á sér. Síðar sagðist hún hafa gert það til að hvetja hann til að hætta að nota heróín.
Shane var ósáttur í fyrstu en viðurkenndi síðar að gjörðir Sinéad O‘Connor hefðu átt stóran þátt í að honum tóklst að veða edrú.
Shane lætur eftir sig eiginkonu, Victoriu Mary Clarke, en þau gengu í hjónaband árið 2018.
