Það var stuð í fimmtu umferð Meistaradeildarinnar í kvöld en Arsenal stal sviðsljósinu með rosalegri frammistöðu í kvöld gegn Lens á heimavelli.

Orri Steinn Óskarsson kom við sögu í góðum leik FCK gegn FC Bayern á útivelli.

A-riðill:

FCK hélt úti markalausu jafntefli gegn FC Bayern og eru með fimm stig í riðlinum. Það er sami stigafjöldi og Galatasaray en Bayern er með 13 stig og búið að vinna riðilinn.

Manchester United er með fjögur stig og þarf að vinna Bayern í síðasta leiknum og treysta á jafntefli Galatasaray og FCK til að fara áfram.

Orri Steinn Óskarsson lék hálftíma í leiknum.

B-riðill:

Arsenal slátraði Lens á heimavelli í Meistaradeildinni í kvöld, liðið skoraði fimm mörk í fyrri hálfleik og vann að lokum 6-00 sigur. Kai Havertz, Gabriel Jesus, Bukayo Saka, Gabriel Martinelli og Martin Odegaard skoruðu mörk liðsins í fyrri hálfleik en Jorginho skoraði úr víti í þeim síðari.

Arsenal er búið að vinna riðilinn en PSV er með átta stig í öðru sæti en Lens er með fimm stig. Sevilla er úr leik en liðið gerði 2-3 sigri PSV.

C-riðill:

Real Madrid heldur áfram að gera vel en liðið vann 4-2 sigur á Napoli á heimavelli í kvöld. Jude Bellingham skoraði eitt marka Real og er liðið komið áfram.

Braga og Union Berlin gerðu jafntefli. Í síðustu umferð mætast Napoli og Braga en Napoli er með sjö stig og Braga er með fjögur stig. Union Berlin er hins vegar úr leik.

D-riðill:

Í D-riðli voru tvö jafntefli, Inter og Benfica gerðu 3-3 jafntefli Real Sociedad og Salzburg gerðu markalaust jafntefli.

Sociedad og Inter eru komin áfram en bæði eru með ellefu stig.