Kieron Dyer fyrrum landsliðsmaður Englands í knattspyrnu var nær dauða en lífi fyrr í þessum mánuði vegna lifrarsjúkdóms. Hann var þungt haldinn á sjúkrahúsi.

Dyer var á sjúkrahúsi þar sem óttast var að hann myndi ekki lifa þetta af. Dyer þurfti nýja lifri og beið á sjúkrahúsi í von um að fá nýja.

Það var ekki fyrr en einstaklingur lést þar sem hægt var að bjarga lífi Dyer. „Ég á erfitt með að skilja það að einhver hafi þurft að láta lífið svo ég gæti lifað,“ segir Dyer.

Fjölskylda hans og vinir óttuðust það versta en Dyer var í nokkrar vikur á sjúkrahúsi þar sem honum var um tíma vart hugað lífið.

„Ég hef ekkert rætt þetta, þetta er svo erfitt að meðtaka þetta. 99 prósent af fólki fær bara eitt tækifæri til þess að lifa, ég hef fengið tvö tækifæri.“

„Ég fæ tækifæri af því að annar einstaklingur lést, suma daga sit ég bara græt. Ég er ánægður, ekki sorgmæddur. Ég ætla að nýta hvern einasta dag sem ég fæ.“

PSC er sjaldgæfur langvinnur lifrarsjúkdómur þar sem gallrásir innan og utan lifrarinnar minnka smám saman að stærð . Margir hafa engin einkenni í fyrstu, þó geta snemmtæk viðvörunarmerki verið þreyta og óþægindi í kvið.