Það vakti nokkra athygli í vikunni þegar pabbi Aaron Ramsdale, markvarðar Arsenal mætti og tjáði sig um stöðu hans hjá liðinu. Gagnrýndi hann hvernig farið væri með strákinn.

Ramsdale er orðinn varamarkvörður Arsenal eftir að félagið keypti David Raya í sumar en það er ekki oft sem pabbar eða mömmur mæta í enska fjölmiðla og ræða stöðuna.

„Þetta eru fullorðinn karldýr sem fá borgað mikla peninga, þeir þurfa engan til að svara fyrir sig,“ sagði Hjörvar Hafliðason í Dr. Football í dag.

Hjörvar segir að þetta hafi minnt sig á það þegar Guðmundur Benediktsson, faðir Alberts Guðmundssonar skrifaði pistil á Vísir.is í upphafi árs.

Var ástæðan sú að Arnar Þór Viðarsson valdi Albert ekki í landsliðið og talaði um að hann væri ekki til í að leggja á sig sömu hluti og aðra leikmenn.

„Það kom svona dæmi upp fyrr á árinu með Albert Guðmundsson, þetta er svona dæmigert þegar ég hætti að umgangast fólk eins og Gumma. Þá er enginn svona gáfaður til að veita ráðgjöf,“ sagði Hjörvar í léttum tón.

„Þegar menn eru fullorðnir fótboltamenn þá geta mamma og pabbi ekki verið út um allt.“

Viktor Unnar Illugason tók í sama strent um mál Alberts. „Maður hugsaði why? Foreldrar í dag eru svo mikið með í þessu í dag, maður vinnur sem þjálfari og það eru endalausar hringingar,“ sagði Viktor Unnar.