Í vesturhluta Osló er dýrasta íbúðarhúsið á Norðurlöndunum öllum. Það er samanstendur af 790 fermetra aðalbyggingu og 130 fermetra húsi fyrir þjónustufólk. Nýlega keypti norski milljarðamæringurinn Katharina G. Andresen húsið. Hún er 28 ára.

Dagens Næringsliv segir að hún hafi greitt 590 milljónir norskra króna fyrir húsið en það svarar til um 7,5 milljarða íslenskra króna.

Húsið, sem stendur við sjóinn, er á Bygdø. Auk húsanna fylgir 30.000 fermetra lóð með í kaupunum.

Eignir Katharina eru taldar vera sem nemur tæpum 200 milljörðum íslenskra króna. Fjölskylda hennar á fjölskylduveldið Ferd sem fjárfestir meðal annars í fasteignum, skuldabréfum og vogunarsjóðum.

Fyrirtækið var stofnað 1849 af Johan Henrik Andresen, langalangafa Katharina.

Katharina og systir hennar, Alexandra G. Andresen, hafa árum saman verið meðal ríkustu Norðmannanna.