Forráðamenn Chelsea þurfa að óttast um það að stig verði tekin af félaginu vegna þess hvernig Roman Abramovich fjármagnaði hluti í félaginu.

Greiðslur sem bárust frá fyrirtækjum í eigu Roman bárust aðilum sem urðu svo strax tengdir Chelsea.

Þetta kemur fram í gögnum sem Guardian og fleiri fjölmiðlar fara nú yfir og greina frá.

Þannig bárust greiðslur til Federico Pastorello, umboðsmanns Antonio Conte árið 2017. Hann skrifaði undir samning við Conibair Holdings sem er fyrirtæki í eigu Abramovich í skattaskjóli.

Abramovich borgaði honum 10 milljónir punda. Sama dag greindi Chelsea frá því að Conte hefði skrifað undir hjá félaginu. Er þetta talið tengjast.

Leiston Holdings borgaði árið 2013 væna summu til Association des Jeunes Espoirs de Bobo sem er félag sem Bertrand Traore var hjá.

Sá samningur var gerður tveimur mánuðum eftir að Traore kom til Chelsea.

Aðrar greiðslur eru svo sagðar vafasamar og tengjast þær kaupum Chelsea á Samuel Eto´o og Willian. Eftir að Abramovich hafði greit aðila tengdum þeim þá komu þeir til Chelsea tveimur dögum síðar.

Abramovich þurfti að selja Chelsea þegar Rússland réðst inn í Úkraínu en allar eigur hans í London voru frystar og er Todd Boehly eigandi félagsins í dag.