Antoine Griezmann hefur byrjað tímabilið með Atletico Madrid vel og er að minna á sig á Spáni.

Um er að ræða 32 ára gamlan sóknarmann sem stoppaði stutt hjá Barcelona áður en hann gekk aftur í raðir Atletico.

Griezmann er einnig franskur landsliðsmaður og var um tíma talinn einn öflugasti sóknarmaður heims.

Frakkinn spilar ‘Fantasy Football’ leikinn á Spáni og ákvað að kaupa sjálfan sig í framlínuna sem hefur hjálpað.

Griezmann er búinn að skora þrjú mörk í deildinni hingað til og það þriðja kom gegn Osasuna í gær.

Griezmann virðist ákveðinn í að næla í eins mörg stig og hægt er í þessari keppni sem er að gefa honum auka kraft að eigin sögn.

,,Ég hef ákveðið að kaupa sjálfan mig í Fantasy deildinni og það er er að gefa mér auka kraft,“ sagði Griezmann.