Hér er á ferðinni dásemdar uppskrift að ofnbökuðum kjúklingi í ljúfri beikonsósu. Rétturinn er sérstaklega einfaldur í gerð og slær svo sannarlega í gegn hjá ungum sem öldum. Borinn fram með hrísgrjónum og góðu salati, jafnvel hvítlauksbrauði.
Hráefni
- 600 g Kjúklingalundir
- 250 g Kirsuberjatómatar, helmingaðir
- 150 g Beikon
- 400 g Sýrður rjómi 18%
- 150 g Rifinn mozzarella
- 2 tsk Paprikukrydd
- 0.5 tsk Reykt paprikukrydd
- 1 tsk Cumin
- 1 stk Salt
- 1 stk Pipar
Leiðbeiningar
- Skerið kjúklinginn í munnbita og setji í ofnfast mót.
- Setjið kirkjuberjatómatana yfir kjúklinginn. Saltið og piprið.
- Skerið beikonið í bita og steikið á pönnu þar til það er meðalstökkt. Bætið þá Sýrðum rjóma og kryddum saman við. Látið malla í nokkrar mínútur.
- Hellið beikonsósunni yfir kjúklinginn og látið því næst rifinn ost yfir allt.
- Bakið við 200°c heitan ofn í um 30 mínútur eða þar til kjúklingurinn er fulleldaður og osturinn eilítið brúnaður.
Þú getur keypt allt sem þarf í þessa uppskrift og annað fyrir vikuna á Heimkaup, og fengið vörurnar sendar heim eða í vinnuna, sniðugt ekki satt?
