Sif Atladóttir er hætt í fótbolta eftir gríðarlega farsælan feril sem knattspyrnukona.

Sif staðfesti þetta í samtali við Fótbolta.net í dag eftir leik við Keflavík í Bestu deild kvenna.

Sif spilaði 80 landsleiki fyrir Ísland og endar ferilinn á Selfossi en liðið féll úr Bestu deildinni á tímabilinu.

Hún er þekktust fyrir tíma sinn hjá Kristianstads í Noregi en lék einnig fyrir lið eins og FH, KR og Val hér heima.

„Já ég get staðfest það, of gamall líkami og mörg ár á háu leveli og tvö börn. Ég er nálægt því að vera risaeðla í dag 38 ára. Minn tími er kominn inn á vellinum. Þá þarf maður að finna sér eitthvað annað að gera,“ sagði Sif í samtali við Fótbolta.net.

„Ég er ekkert að fara, ég er að vinna fyrir leikmenn fyrir utan völlinn. Ég er búin að tuða um þetta lengi að leikmenn sem að hafa spilað á háu leveli eiga ekki að láta sig hverfa, við höfum reynslu úr þessum heimi sem er mikilvæg fyrir þróunina áfram. Fótboltinn á Íslandi á eftir að taka ákveðin skref fram á við og ég veit að ég með mína reynslu á eftir að finna mér einhvern stað.“