Það er ekkert grín að vera atvinnumaður í ensku úrvalsdeildinni. Jóhann Berg Guðmundsson, landsliðsmaður og leikmaður Burnley, lýsti venjulegum degi hjá enska liðinu í hlaðvarpinu Dr. Football.
Jóhann hefur verið á mála hjá Burnley síðan 2016. Fyrst spilaði hann undir stjórn Sean Dyche en nú er hann á sínu öðru tímabili undir stjórn Vincent Kompany. Burnley er nýliði í ensku úrvalsdeildinni.
„Ég mæti um 9:30 upp á æfingasvæði. Klukkan 10:30 er fundur. Þá er maður búinn að fá sér morgunmat, fara í ræktina og láta nudda sig eitthvað. Fundirnir hjá Kompany eru ekki stuttir. Þetta geta verið 40-50 mínútna myndbandsfundir,“ segir Jóhann og bendir á að mikill munur sé á aðferðum Kompany og Dyche.
„Eftir það förum við í ræktina aftur og þá þarf maður að gera sig kláran fyrir æfingu. Hún byrjar um tólf og er svona einn og hálfur klukkutími. Svo fer maður inn eftir það, fær sér að borða, kíkir í ísböð og heitan pott fyrir endurheimtina.
Þegar Dyche var kom ég heim svona um tvö leytið en nú kem ég um fjögur leytið.“
