Orla Melissa Sloan, áhrifavaldur í Bretlandi hefur játað því fyrir dómi að hafa verið eltihrellir um nokkurt skeið þegar hún áreitti leikmenn Chelsea í ensku úrvalsdeildinni.
Sloan fékk skilorðsbundinn dóm og þarf að greiða þremur leikmönnum í ensku úrvalsdeildinni sekt.
Um er að ræða Mason Mount og Ben Chilwell sem eru enn leikmenn Chelsea og Billy Gilmour fyrrum leikmann Chelsea sem nú er hjá Brughton.
Sloan segist hafa sofið hjá Mount í gleðskap sem Ben Chilwell bauð henni í. Hafði hún verið í samskiptum við Chilwell í gegnum Instagram. Mount er enskur landsliðsmaður í knattspyrnu.
Sloan sagði fyrir framan dómara að hún hefði einu sinni sofið hjá Mount en hann hafi svo bundið enda á samskipti þeirra eftir sex mánuði.
Sloan fór þá að áreita Mount og skipti 21 sinni um símanúmer til þess að geta haft samband við Mount. „Ég er hætt að kaupa mat svo ég geti keypt fleiri símanúmer,“ segir Sloan í skilaboðum til Mount.
Í viðtali við ensk blöð segist Sloan hafa orðið einmana og hálf rugluð eftir að hafa byrjað að vinna við það að framleiða erótískt efni heima hjá sér.
„Ég átti ekki vona á því að enda á þessum stað, ég var föst í eigin heimi. Ég hitti ekki mikið af fólki,“ segir Sloan.
„Ég var einmana og að vera á OnlyFans gerði mig bara enn verri.“
„Það var ekki fyrr en ég var mætt í réttarsal og mögulega á leið í fangelsi að ég áttaði mig á því hvað ég hefði gert.“
