Áheyrnarprufur standa nú yfir fyrir átjándu þáttaröð af America‘s Got Talent. Fyrsti þáttur fór í loftið í gær og byrjar þáttaröðin af krafti en það var það enginn annar en harðjaxlinn Simon Cowell sem felldi tár. Hann gerir það örsjaldan en margir muna eftir því þegar hann gerði það síðast; þegar söngkonan Jane Marczewski, eða Nightbirde eins og hún kallaði sig, steig á svið sumarið 2021.
Atriðið í gær var til að heiðra minningu hennar. Jane lést í febrúar 2022 eftir erfiða baráttu við krabbamein. Hún tók þátt í America‘s Got Talent í júní 2021 og söng lagið „Okey“, sem fjallaði um síðasta árið í lífi hennar.
Lagið hreif áhorfendur og sérstaklega Cowell sem ýtti á gullhnappinn og hleypti Jane beint í úrslit. Hins vegar þurfti hún að draga sig úr keppni vegna hrakandi heilsu og lést þann 19. febrúar 2022.
Unglingakórinn Soweto‘s Mzansi söng lagið til að heiðra minningu Nightbirde. Þetta var sama lag og hún söng í áheyrnarprufunum og það er óhætt að segja að flutningur þeirra hafi haft mikil áhrif á áhorfendur og dómara.
„Þetta er fyrir ykkur, þetta er fyrir áhorfendurna og þetta er fyrir Jane,“ sagði Simon.
Horfðu á atriðið hér að neðan og sjáðu yndislega augnablikið þegar allir dómararnir ýttu samtímis á gullhnappinn. Þetta er í fyrsta sinn í sögu America’s Got Talent sem áhorfendur fá vald yfir gullhnappinum en það sama gerðist í síðustu viku í sextándu þáttaröð af Britain’s Got Talent.
Sjá einnig: Blað brotið í 16 ára sögu Britain’s Got Talent
