Íþróttavikan kemur út alla föstudaga hér á 433.is og í Sjónvarpi Símans. Þar fá þeir Helgi Fannar Sigurðsson og Hrafnkell Freyr Ágústsson til sín góða gesti í hverri viku og ræða það helsta úr heimi íþrótta. Að þessu sinni sat Viðar Örn Kjartansson með þeim.
Viðar var að klára sitt fyrsta tímabil með Astromitos í Grikklandi. Hann segir að aðeins um 2 þúsund aðdáendur þeirra mæti á leiki þó völlurinn sé stærri.
„Það er svolítið skrýtin tilfinning þegar maður er kominn í færi. Maður sér 5 þúsund tóma bekki.
En það er þvílíkur hávaði í þeim. Sprengjur og flugeldar. Það hefur nokkrum sinnum þurft að stöðva leiki.“
Viðar bendir á að stuðningsmönnum geti orðið heitt í hamsi í Grikklandi.
„Yfirleitt leyfa þeir stuðningsmönnum útiliðsins ekki að koma þegar um slag innan Aþenu er að ræða. En stuðningsmenn Thessaloniki komu og það varð allt vitlaust. Lögreglan kom og það þurfti að stöðva leikinn í hálftíma.“
Umræðan í heild er í spilaranum.
