Paul Barber, stjórnarformaður Brighton, segir að Alexis Mac Allister sé ánægður hjá félaginu og að það vilji halda honum í sumar.

Miðjumaðurinn er talinn efstur á óskalista Liverpool fyrir sumarið. Jurgen Klopp þarf nauðsynlega að styrkja miðsvæðið í sumar.

„Hann lítur út fyrir að vera ánægður og auðvitað viljum við að hann verði hér á næstu leiktíð,“ segir Barber.

„Augljóslega verður mikill áhugi á honum, ekki bara á Englandi. Það verður áhugi um heim allan.

Eins og er spilar hann í bláu og hvítu og ég er svo ánægður með það. Ef ég myndi missa svefn yfir hverri frétt um leikmann okkar myndi ég ekki sofa mikið yfirhöfuð. Sem stendur er hann einbeittur á okkur og hvað hann getur gert í síðustu leikjum tímabilsins.“

Hinn 24 ára gamli Mac Allister á tvö ár eftir af samningi sínum við Brighton. Hann hefur verið hjá félaginu síðan 2019.