Bukayo Saka hefur krotað undir nýjan langtímasamning við Arsenal.
Þetta segir Fabrizio Romano.
Fréttirnar hafa legið í loftinu og að sögn Romano verða þær opinberaðar á næstunni.
Núgildandi samningur Saka rennur út eftir ár og því nauðsynlegt fyrir Arsenal að framlengja samning sinnar skærustu stjörnu.
Saka hefur verið frábær á þessari leiktíð og skorað 14 mörk og lagt upp 11 í öllum keppnum.
Talksport segir þá að Saka verði með nýjum samningi launahæsti leikmaður Arsenal og fái 300 þúsund pund á viku, þegar bónusar og annað er tekið með inn í myndina.
Arsenal hefur þegar gert samninga við Aaron Ramsdale og Gabriel Martinelli í vor. Næstur á dagsrká er William Saliba.
