AC Milan vann Napoli 1-0 í fyrri leik liðanna í 8-liða úrslitum Meistaradeildar Evrópu í kvöld.

Eina mark leiksins skoraði Ismael Bennacer á 40. mínútu. Hann setti boltann í markið eftir frábæran undirbúning Brahim Diaz í aðdragandanum.

Það er ekki nóg með það að Napoli fari marki undir í seinni leikinn suður frá heldur verða tveir lykilmenn í banni.

Miðvörðurinn Zambo Anguissa fékk sitt annað gula spjald og þar með rautt á 74. mínútu og þá uppskar Min-Jae Kim, lykilhlekkur í hjarta varnarinnar, gult spjald sem setur hann í leikbann.

Gula spjaldið fékk Kim fyrir kjaftbrúk og gæti það reynst dýrt. Fyrrum landsliðsmaðurinn Rúrik Gíslason tjáði sig um þetta á Viaplay.

„Þetta má ekki gerast. Þetta er útsláttarkeppni,“ sagði Rúrik.

„Þetta er ófyrirgefanlegt gult spjald sem Kim fær fyrir að hreyta í dómarann.“

Seinni leikur liðanna fer fram á þriðjudag.