Cristiano Ronaldo hefur viðurkennt það að hann hafi íhugað að leggja landsliðsskóna á hilluna eftir HM í Katar.
Ronaldo var á meðal varamanna í 8-liða úrslitum Portúgals og Marokkó, sem fór ekki vel í hann á þeim tíma.
Portúgal féll úr leik gegn Marokkó og efitir lokaflautið íhugaði þessi 38 ára gamli leikmaður að kalla þetta gott.
,,Ég ætla ekki að ljúga hérna, í lífinu þá metum við hlutina. Ég ræddi við fjölskylduna og við komumst að þeirri ákvörðun að þrátt fyrir erfiðleikana þá væri ekki rétt að gefast upp,“ sagði Ronaldo.
,,Ég gat séð hlutina frá öðru sjónarhorni og lærði af því. Ég er ánægður með að vera kominn aftur. Roberto Martinez [landsliðsþjálfari] hefur sýnt mér að ég er mikilvægur fyrir liðið. Ég hef alltaf viljað spila, eins og þið vitið.“
,,Ég gat áttað mig á því að ég er mikilvægur landsliðinu. Ég vil koma liðinu í hæsta flokk og mun gefa mitt svo lengi sem þeir þurfa á mér að halda.“
