Mikið fjaðrafok hefur verið í kringum BBC eftir að Gary Lineker var tímabundið leystur undan störfum en svo ráðinn á ný.

Lineker var settur til hliðar af BBC vegna ummæla sinna á Twitter um stefnu breskra yfirvalda í útlendingamálum en nú er búið að leysa málin og snýr hann aftur um næstu helgi. Hann er ekki þekktur fyrir að liggja á skoðunum sínum á eigin vettvangi.

Í tilefni af þessu tók Daily Star saman nokkur af stærstu sjónvarpstengdu hneykslunum í knattspyrnuheiminum.

Kvenfyrirlitning Keys og Gray
Sjónvarpsmennirnir Richard Keys og Andy Gray voru andlit Sky Sports frá 1992 en árið 2011 komu fram ásakanir um kvenfyrirlitningu þeirra.

Eitt tilfellið átti sér stað fyrir allra augum. Þá töluðu þeir Keys og Gray um kvenkyns línuvörðinn Sian Massey-Ellis á niðrandi hátt. Þeir voru leystir undan störfum.

Ósmekklegur brandari Marsh
Marsh var rekinn frá Sky Sports árið 2005 eftir að hafa gert grín að flóðbylgju á Indlandshafi í kjölfar jarðskjálfta.

Árið eftir var hann rekinn frá talkSPORT fyrir að láta fréttaþulu hlæja óstjórnlega á meðan hún sagði fréttir af látnum hermanni.

Kynþáttafordómar Atkinson
Ron Atkinson notaði N-orðið í útsendingu árið 2004 um leikmann.

Hann taldi að slökkt hafi verið á hljóðnema sínum en svo var alls ekki.

Ósmekkleg samlíking
Alan Pardew og BBC þurftu að biðjast afsökunar eftir að hann líkti tæklingu Michael Essien við nauðgun er hann starfaði fyrir Match of the Day.

„Hann gjörsamlega nauðgar honum,“ sagði Pardew.

Grunsamlegur poki
Í Soccer AM árið 2018 stóð poki úr sokk Richard Ashcroft. Umræða fór af stað á samfélagsmiðlum um að þetta væru eiturlyf.

„Númer eitt þá höfum við kókaín ekki átt samband í marga áratugi. Númer tvö, ekki áætla hvað datt úr vasa mínum. Og ekki blanda börnum mínum inn í þetta.“