Danny Murphy, fyrrum leikmaður Liverpool, kallar eftir því að farið verið í eina allsherjar yfirhalningu á sínu gamla félagi sem sé komið á villigötur. Frá þessari skoðun sinni greinir Murphy í kjölfar 5-2 taps Liverpool á heimavelli gegn Real Madrid í 16-liða úrslitum Meistaradeildar Evrópu.
Gengi Liverpool á yfirstandandi tímabili hefur langt í frá staðist væntingar. Liðið er ekki að berjast um efstu sætin í ensku úrvalsdeildinni og þá þarf Liverpool á kraftaverki að halda til þess að komast skrefi lengra í Meistaradeildinni.
Þrátt fyrir arfaslakt gengi til Danny Murphy þó að Jurgen Klopp, núverandi knattspyrnustjóri Liverpool sé rétti maðurinn til þess að stýra félaginu áfram.
,,Það er kominn tími á eina allsherjar yfirhalningu,“ sagði Murphy um Liverpool á talkSPORT. ,,Ég tel að fimm eða sex leikmenn muni hverfa á braut í sumar og ég tel að Klopp viti það.“
Þá muni yfir sex leikmenn ganga til liðs við félagið milli leiktíða. Klopp muni fá tækifæri til þess að snúa gengi Liverpool við.
,,Hann á skilið að fá það tækifæri, 100% og ég held að meirihluti stuðningsmanna Liverpool sé á sama máli.“
