Christian Atsu fyrrum leikmaður Chelsea og Newcastle er einn þeirra þúsunda sem leitað er af í Tyrklandi eftir jarðskjálfta þar í landi.

Atsu leikur með Hatayspor í Tyrklandi en fjölmiðlar þar í landi segja hann nú einn af þeim ser fastur undir rústum.

Jarðskjálfti upp á 7,8 reið yfir Tyrkland og Sýrland í nótt. Hann átti upptök sín nærri milljónaborginni Gaziantep í samnefndu héraði að sögn bandarísku jarðfræðistofnunarinnar USGS.

Meira:
Birkir Bjarna lætur vita að hann sé óhultur – Tæplega 700 látnir á svæðinu þar sem hann býr í Tyrklandi

Skjálftinn átti upptök sín á 17,9 km dýpi. Skömmu eftir að hann reið yfir fylgdi eftirskjálfti upp á 6,7. Nú þegar hefur verið staðfest að tæplega þúsund séu látnir og gæti sú talað hækkað. Sérfræðingar telja í raun að líklega hafi um 10 þúsund manns fallið í þessum náttúruharmleik.

FJölmiðlar í Tyrklandi segja að Atsu og Taner Savut yfirmaður knattspyrnumála hjá Hatayspor séu týndir og þeirra sé leitað. Nokkrum leikmönnum og starfsmönnum félagsins hefur nú þegar verið bjargað úr rustum bygginga.

Jarðskjálftinn reið yfir klukkan 04:00 í nótt þegar flestir voru sofandi.

Atsu er 31 árs gamall en hann kom árið 2013 til Chelsea en spilaði aldrei í deild fyrir félagið, hann var lánaður til Vitesse, Everton, Bournemouth, Malaga og Newcastle áður en hann fór frá félaginu.