Hálfleiksræða Kylian Mbappe í búningsklefa franska karlalandsliðsins í úrslitaleik Heimsmeistaramótsins gegn Argentínu hefur verið birt.
Frakkar gátu lítið sem ekkert í fyrri hálfleik og leiddi Argentína 2-0 eftir hann.
Á 80. mínútu minnkaði Mbappe hins vegar muninn og mínútu síðar var hann búinn að jafna.
Leikurinn fór í framlengingu, þar sem Mbappe átti eftir að skora sitt þriðja mark. Það gerði Argentína hins vegar einnig og fór leikurinn í vítaspyrnukeppni, þar sem Mbappe og félagar þurftu að sætta sig við tap.
„Við getum ekki gert verr en þetta. Þetta er úrslitaleikur HM,“ sagði Mbappe í klefanum í hálfleik.
„Annað hvort leyfum við þeim að spila áfram eða gefum eitthvað í þetta. Við getum komið til baka.“
Mbappe undirstrikaði hversu sérstakt það væri að spila úrslitaleik HM.
„Strákar, þetta er bara á fjögurra ára fresti.“
Le discours de Kylian Mbappé à la mi-temps de France-Argentine capté par les caméras de TF1 !
« C’est le match d’une vie, on ne peut pas faire pire ! » 💥🗣️
— Hadrien Grenier (@hadrien_grenier) December 20, 2022
