Nýjasta æði sem hefur gripið um sig á samfélagsmiðlum sælkera hátíðarhringir sem búnir eru til úr allskonar kræsingum sem kitla bragðlaukana. Salathringir, brauðhringir, nutellahringir og hvaðeina sem matarhjartað girnist og allir eiga þeir það sameiginlegt að vera með jólalegu ívafi. Það er í raun bara að láta hugmyndaflugið ráða.

Hér er á ferðinni virkilega jólalegur og ljúffengur ostapinnahringur sem er einfalt að útbúa. Það má auðvitað raða því sem hugurinn girnist á pinnana en hér kemur hugmynd frá Berglindi Hreiðars sem heldur úti síðunni Gotterí og gersemar sem sló í gegn í jólaboði um daginn.

Hátíðarhringur

1 askja hindber

1 askja brómber

Vínber græn

Maræineruð hvítlauksrif

Ólífur

3 stk. Bóndabrie

1 pk Dóri sterki

Salami

Hráskinka

Langir tannstönglar/aðrir kokteilpinnar

Ferskt rósmarín

Skerið hvern brieost í 8 bita. Skerið ostsneiðarnar í 3 hluta og rúllið hverjum upp. Rúllið salamisneiðum upp/brjótið saman. Rúllið hráskinkusneiðum upp/brjótið saman (skerið hverja í tvennt nema þið séuð með litlar sneiðar). Raðið saman fjölbreyttum pinnum. Raðið pinnunum síðan saman í hring og stingið rósmaríni hér og þar í hringinn til að skreyta. Þessi er frábær að bjóða upp á um hátíðirnar, bæði um jól og áramót.