Luis Enrique, þjálfari spænska karlalandsliðsins, sagði í gær að dagurinn væri ekki bara sérstakur þar sem hans menn ættu fyrir höndum stórleik við Þýskaland á Heimsmeistaramótinu í Katar, heldur hefði dóttir hans einnig fagnað þrettán ára afmæli sínu.
Dóttir Enrique, Xana, lést úr krabbameini aðeins níu ára gömul.
„Hann birtir fallegt myndband þar sem hann er úti að hjóla í Katar og minnist hennar. Þetta er líklega versta martröð hvers manns, að missa barn. Þetta var fallegt en sorglegt á sama tíma,“ segir Helgi Fannar Sigurðsson í HM-hlaðvarpi íþróttadeildar Torgs (Fréttablaðsins og DV).
El video de Luis Enrique recordando a su hija Xana, quien hoy cumpliría 13 años 🥺💔 pic.twitter.com/nF0lUFAX6E
— Mati (@matiasm_02) November 27, 2022
„Maður þurfti nánast að grípa í klútinn og þurrka tárin. Þetta lifir með honum alla tíð,“ segir Hörður Snævar Jónsson.
Spánn og Þýskaland gerðu 1-1 jafntefli í stórleiknum í gær.
Umræðan um þetta er hér að neðan.
