Jurgen Klopp var pirraður á blaðamannafundi fyrir leik sinna manna gegn Napoli í Meistaradeild Evrópu annað kvöld.
Liverpool er þegar komið upp úr riðli sínum en þarf stórsigur á morgun til að enda í efsta sæti.
Klopp svaraði blaðamanni sem sagði að Liverpool hafi skort baráttuvilja á tímabilinu. Liðið hefur átt erfitt uppdráttar og er í níunda sæti ensku úrvalsdeildarinnar eftir tólf leiki.
„Þið hafið öll rétt fyrir ykkur og ég rangt fyrir mér,“ sagði Klopp.
„Við hefðum getað spilað betur en strákarnir börðust.“
Klopp segir blaðamannafundi mun erfiðari nú þegar illa gengur.
„Allt í einu erum við ekki að reyna nóg eða gera hitt og þetta nógu vel.
Að svara spurningum ykkar þegar illa gengur er erfitt. Það er samt hluti af starfinu og ég fæ borgað nokkuð vel fyrir það.“
Nánar má heyra hvað Klopp hafði að segja hér að neðan.
🗣️ "You're all right and I'm wrong…"
Jurgen Klopp responds to claims that his Liverpool side have lacked "fight" this season. ⭕pic.twitter.com/HvYypM87rX
— Sky Sports News (@SkySportsNews) October 31, 2022
