AC Milan á Ítalíu er að reyna allt til að halda sóknarmanninum Rafael Leao sem er einn mikilvægasti leikmaður liðsins.

Leao er samningsbundinn til ársins 2024 og gætu þeir ítölsku neyðst til að selja næsta sumar.

Leao er helst orðaður við enska stórliðið Chelsea sem reyndi að fá kappann í sínar raðir í sumarglugganum en án árangurs.

Milan hafði engan áhuga á að selja leikmanninn en hann er með kaupákvæði í samningi sínum upp á 130 milljónir punda.

Milan er að vinna hörðum höndum að því að fá Leao til að framlengja samning sinn og vonast til að það verði gert fyrir HM 2022 í Katar.

Leao mun þá ferðast með portúgalska landsliðinu á HM og verður svo líklega eftirsóttur þegar janúarglugginn opnar.

Milan vill forðast það að Leao verði skotmark í janúar og mun gera allt svo hann skrifi undir framlengingu fyrir það.