Faðir Gylfa Þórs Sigurðssonar, Sigurður Aðalsteinsson, segir brotið á mannréttindum sonar síns.
Sigurður ræðir við Vísi, sem fjallar um málið.
Gylfi var handtekinn í júlí í fyrra, grunaður um kynferðisbrot gegn ólögráða einstaklingi. Hann hefur verið laus gegn tryggingu síðan þá. Tíðindi áttu að berast af málinu í júlí á þessu ári en allt kom fyrir ekki.
Nú hefur verið sótt um flutning á lögheimili Gylfa frá Bretlandi til Íslands. Umsókn þess efnis liggur á borði Þjóðskrár. Sigurður staðfestir þetta.
„Annhvort er hægt að ákæra hann ef hann hefur gert eitthvað misjafnt eða láta hann fara,“ segir Sigurður og bætir við að hefði Gylfi gerst brotlegur væri löngu búið að ákæra hann.
Sigurður segir einnig að hann hafi óskað eftir aðstoð utanríkisráðherra, Þórdísar Kolbrúnar Reykfjörð Gylfadóttur. Gylfi hefur verið í farbanni frá Englandi allt frá því málið kom sumarið í fyrra.
Nánar er rætt við Sigurð á Vísi.
