Það er bull að Nice í Frakklandi sé við það að ráða Mauricio Pochettino eða Scott Parker til starfa.

Þetta segir Jean-Pierre Rivere, forseti Nice, en Lucien Favre er í dag stjóri liðsins og er talinn mjög valtur í sessi.

Favre tók aðeins við Nice á nýjan leik í sumar en byrjunin hefur ekki verið góð en liðið hefur unnið tvo af fyrstu átta leikjum sínum.

Pochettino er fyrrum stjóri Tottenham og PSG og hefur mikið verið orðaður við stöðuna sem og Parker sem yfirgaf Bournemouth nýlega.

,,Við ætlum ekki að skipta um þjálfara eftir aðeins átta leiki, það er ekki lausnin á íþróttalegu stigi né mannlegu,“ sagði Rivere.

,,Við áttum langan fund með Lucien í gær og hann fór héðan ánægður, hann var ánægður með stuðninginn.“

,,Það er ekkert á bakvið þessar sögusagnir. Enginn hjá félaginu hefur hadt samband við Pochettino.“