A landslið karla er komið saman í Vínarborg í Austurríki þar sem það mætir Venesúela í vináttuleik á fimmtudag. Leikurinn hefst kl. 16:00 að íslenskum tíma, fer fram á Motion Invest leikvanginum í Wiener Neustadt, og er í beinni útsendingu á Viaplay.

Nokkuð létt virðist vera yfir íslenska liðinu en á æfingu í gær voru Sveinn Aron Guðjohnsen og Ísak Bergmann Jóhannesson í kepppni.

Sveinn Aron hafði betur og til að bæta gráu ofan á svart fyrir Ísak þá var honum skellt í gólfið. Atvikið má sjá hér að neðan.

Ísland hefur aldrei áður mætt Venesúela í landsleik. Lið Venesúela er sem stendur í 56. sæti á styrkleikalista FIFA en Ísland er í 63. sæti.