Ísak Snær Þorvaldsson, leikmaður Breiðabliks, greindi frá sorglegu atviki á Twitter í kvöld eftir leik liðsins við HK í Mjólkurbikarnum.

Leikið var í Kórnum í kvöld en Breiðablik vann leikinn með einu marki gegn engu og það mark skoraði Omar Sowe.

Ísak segir frá því að stuðningsmenn HK hafi ráðist að systrum sínum í kvöld þar sem þær klæddust treyjum Breiðabliks á leiknum.

,,Allt respect fyrir HK-ingum í skítnum eftir að hopur af strákum réðust á 7 ára systur mínar og spörkuðu í þær af því þær voru í Breiðablik treyjum vona að @HK_Kopavogur rifi sig í gang varðandi stuðningsmenn!!“ skrifar Ísak á Twitter í kvöld.

Algjörlega óásættanleg framkoma hjá ákveðnum stuðningsmönnum HK og heimtar Ísak að eitthvað verði gert í málunum.

Ísak hefur ekki leikið með Blikum undanfarið vegna höfuðmeiðsla og er hans sárt saknað í sókn liðsins.

Allt respect fyrir HK-ingum í skítnum eftir að hopur af strákum réðust á 7 ára systur mínar og spörkuðu í þær af því þær voru í Breiðablik treyjum🤬vona að @HK_Kopavogur rifi sig í gang varðandi stuðningsmenn!!

— Ísak Snær Þorvaldsson (@isaks10) August 19, 2022