Ally McCoist, goðsögn í skoskri knattspyrnu, hefur tjáð sig um stöðu miðjumannsins Dele Alli.

Alli er í dag orðaður við Besiktas í Tyrklandi en hann hefur ekki náð sér á strik í langan tíma bæði hjá Tottenham og síðast Everton.

McCoist vonar innilega að Alli endi ekki í Tyrklandi en hann var á sínum tíma ein af vonarstjörnum Englands áður en hlutirnir fóru úrskeiðis.

,,Ég er mjög vonsvikinn með að heyra orðrómana um Tyrkland. Ég bjóst við ða hann myndi koma ferlinum aftur af stað og að Frank Lampard myndi gefa honum tækifæri á að gera það,“ sagði McCoist.

,,Everton er í vandræðum og þarf allt sem er til staðar til að komast í gang. Augljóslega var Dele Alli ekki nógu góður til ða komast í byrjunarliðið sem er sorglegt.“

,,Hann hefur valdið svo miklum vonbrigðum, ég vil ekki vanvirða tyrknensku deildina en það er skref niður á við. Enska úrvalsdeildin er sú besta í heimi og þetta eru tvö eða þrjú skref niður á við.“