Leikkonan Millie Bobby Brown opnar sig um samband hennar og TikTok-stjörnunnar Hunter Ecimovic, kallaður Hunter Echo. Hún var 16 ára og hann 20 ára þegar þau voru saman.
Vegna aldursmunarins héldu þau sambandinu frá sviðsljósinu og staðfestu það aldrei opinberlega, en myndir af þeim kyssast – teknar árið 2020 – fóru á dreifingu á samfélagsmiðlum. BuzzFeed greinir frá.
Hunter „Echo“ Ecimovi sparks outrage after admitting he dated Millie Bobby Brown when she was 16 years old & he was 20.
In an Instagram Live, the TikTok creator shared extremely explicit & vulgar details about his intimate relationship with the minor.
🔗:https://t.co/785UC0jmIA pic.twitter.com/DId5Hzp4W3
— Pop Crave (@PopCrave) July 13, 2021
Í Kaliforníu, þar sem Hunter er búsettur, er aldurinn þar sem einstaklingar eru taldir bærir til að veita samþykki fyrir kynmökum átján ára – eða ekki fyrr en þeir teljast lögráða – og olli því meint samband þeirra miklu fjaðrafoki.
Í júlí síðastliðnum lét Hunter nokkur umdeild ummæli falla í beinu streymi á Instagram og staðfesti þar að hann og Millie hefðu verið par. Hann sagðist þó ekki hafa „neitt til að biðjast afsökunar á.“
Hann var í kjölfarið harðlega gagnrýndur fyrir grófar athugasemdir hans um Millie og samband þeirra tveggja. Hann endaði á því að biðjast afsökunar á ummælunum í streyminu og sagðist skammast sín.
Á þeim tíma tjáði Millie sig ekki um athugasemdir hans en teymið hennar gaf út yfirlýsingu þar sem athugasemdir hans voru sagðar vera „ábyrgðarlausar, móðgandi og andstyggilegar.“
Nú er Millie 18 ára og opnar sig í fyrsta skipti um samband þeirra í viðtali við Allure. Hún notar aldrei orðið „samband“ en gefur það sterklega í skyn og segir að þetta hafi verið „óheilbrigðar aðstæður.“
„Ég var á mjög viðkvæmum stað. Enginn á tökustað [Stranger Things] vissi hvað væri í gangi. Þannig mér fannst fínt að geta dílað við þetta ein og enginn annar vissi, en síðan varð þetta miklu erfiðara þegar allur heimurinn vissi,“ segir hún um streymi Hunter.
Millie segir að leiðir hennar og Hunter hafi skilið í janúar 2021, tæplega hálfu ári áður en hann lét fleygu ummælin falla á Instagram.
Hún segir að henni hafi þótt hún vanmáttug í kjölfarið og fundist hún opinberlega niðurlægð. Hún hefur eytt síðastliðnu ári í að jafna sig og ná andlegum bata.
„Þegar maður er niðurlægður svona opinberlega, þá líður manni eins og maður sé ekki við stjórnina og svo vanmáttugur,“ segir hún og bætir við: „Að ganga í burtu frá þessum aðstæðum, vitandi að ég er verðug og þessi manneskja tók ekkert frá mér, það var mjög valdeflandi.“
„Mér finnst eins og ég sé loksins komin á betri stað eftir langan tíma, þetta var ár batans,“ segir hún.
Í dag er leikkonan í sambandi með Jacob Bongiovi, syni tónlistarmannsins Jon Bon Jovi.
