Chelsea virðist vera að skoða allt að sex eða sjö miðverði þessa dagana en liðið þarf á varnarmönnum að halda í sumar.

Félagið hefur misst bæði Antonio Rudiger og Andreas Christensen og er framtíð þeirra Marcos Alonso og Cesar Azpilicueta í mikilli óvissu.

Samkvæmt Goal er Chelsea nú að skoða nýjan miðvörð og er það Pascal Kimpembe sem spilar með Paris Saint-Germain.

Það er fyrrum samherji Thiago Silva, leikmanns Chelsea, sem er enn hjá félaginu en kominn svo sannarlega á seinni ár ferilsins.

Silva og Kimpembe náðu vel saman hjá PSG en sá síðarnefndi er franskur landsliðsmaður og gæti verið fáanlegur.

Kimpembe er samningsbundinn til ársins 2024 en PSG er þessa stundina að reyna að fá Milan Skriniar í sínar raðir frá Inter Milan.