Það voru þónokkrir Íslendingar sem spiluðu í norska boltanum í dag en alls voru leiknir sex leikir.

Lilleström tapaði sínum fyrsta deildarleik í sumar er Hólmbert Aron Friðjónsson fékk aðeisn 16 mínútur gegn Stromsgodset.

Stromsgodset gerði sér lítið fyrir og vann 3-0 heimasigur þar sem Ari Leifsson lék allan leikinn í miðverði.

Alfons Sampsted var á sínum stað í hægri bakverði Bodo/Glimt sem fékk Álasund í heimsókn.

Bodo/Glimt lyfti sér upp í fimmta sætið með 2-0 sigri í dag og er átta stigum frá toppnum.

Brynjar Ingi Bjarnason fékk þá engar mínútur með Valerenga sem tapaði 1-0 heima gegn Odd.

Í Svíþjóð spilaði Ari Freyr Skúlason allan leikinn með Norrkoping sem mætti Mjallby. Þessum leik lauk með 1-1 jafntefli.

Norrkoping er um miðja deild eftir 11 umferðir og er með 15 stig.

Valgeir Lunddal Friðriksson var þá tekinn af velli í hálfleik hjá Hacken sem gerði 2-2 jafntefli við Hammarby. Valgeir byrjaði leikinn í bakverði en fór af velli er staðan var en markalaus.