Arsenal er búið að ná samkomulagi við Manchester City um kaupverð á framherjanum Gabriel Jesus.
David Ornstein hjá the Athletic greinir frá þessu í kvöld en hann er með virta heimildarmenn og talinn áreiðanlegur.
Samkvæmt Ornstein mun Arsenal borga 45 milljónir punda fyrir Jesus sem var einnig á óskalista Chelsea og Tottenham.
Jesus er 25 ára gamall sóknarmaður og vildi vinna með Mikel Arteta á ný sem er stjóri Arsenal.
Arteta var áður hjá Man City en hann var aðstoðarmaður Pep Guardiola áður en hann hélt til London.
