Barcelona heldur því fram að La Liga, spænska efsta deildin, sé að hafa áhrif á viðræður félagsins við Manchester United um miðjumanninn Frenkie de Jong. ESPN segir frá þessu.
Manchester United hefur mikinn áhuga á de Jong. Barcelona er opið fyrir því að selja til að ná sér í fjármuni.
Börsungar eru í fjárhagsvandræðum og þurfa því dágóða upphæð fyrir hollenska miðjumanninn.
Vegna reglna sem nú eru við lýði má Barcelona aðeins eyða um þriðjungi af því sem kemur inn til félagsins frá félagaskiptum, vegna erfiðrar stöðu félagsins.
Barcelona segir að þessar reglur hafi áhrif á viðræðurnar við Man Utd. Katalóníustórveldið vill vegna þeirra fá meira en 73 milljónir punda fyrir leikmanninn. Það er einmitt upphæðin sem Barcelona borgaði Ajax fyrir de Jong fyrir þremur árum.
Man Utd vill þó frekar borga á milli 50 og 60 milljónir punda.
