Manchester United er ekki tilbúið að borga jafn mikið fyrir framherjann Darwin Nunez og Liverpool er reiðubúið að gera.

Frá þessu greina enskir miðlar en Liverpool er staðráðið í að tryggja sér þjónustu leikmannsins í sumar.

Man Utd hefur gert mistök á félagaskiptamarkaðnum undanfarin ár og borgað háa summu fyrir leikmenn sem stóðust ekki væntingar. Nefna má Paul Pogba og Angel Di Maria sem dæmi.

Liverpool er talið geta borgað 85 milljónir punda fyrir Nunez sem er 22 ára gamall og átti frábært tímabil með Porto.

Man Utd óttast það að fara í kaupstríð við Liverpool um leikmanninn og myndi þessi upphæð hækka og hækka með tímanum ef það yrði raunin.

Það getur verið áhættusamt að borga svo mikið fyrir leikmann sem býr yfir engri reynslu úr ensku deildinni og hefur aðeins spilað í Portúgal og Úrúgvæ.

Nunez er 22 ára gamall og skoraði 34 mörk í 41 leik fyrir Benfica á síðustu leiktíð.