Juventus ætlar að rifta samningi Aaron Ramsey í sumar og borga honum væna summu til að losna við hann úr búningsklefa félagsins.

Ramsey var lánaður til Rangers í janúar en fann ekki taktinn og kláraði aldrei 90 mínútur.

Ramsey hefur glímt við mikið af meiðslum síðustu ár og hefur ekki fundið sig eftir að hann kom til Juventus frá Arsenal árið 2019.

Ramsey þénar 400 þúsund pund á viku og er einn launahæsti knattspyrnumaður í heimi, dvölin á Ítalíu er hins vegar að taka enda.

Óvíst er hvað Ramsey gerir í sumar en hann er 31 árs gamall og gæti reynt að koma aftur í ensku úrvalsdeildina.