Þremur leikjum lauk nýlega í 32-liða úrslitum Mjólkurbikars karla.
Bestu deildarlið Keflavíkur tók á móti 2.deildarliði Njarðvík í nágrannaslag. Fyrri hálfleikur var frábær skemmtun. Kenneth Hogg kom gestunum yfir á þriðju mínútu. Magnús Þórir Matthíasson tvöfaldaði forystuna svo þegar skammt var eftir af fyrri hálfleik. Patrik Johannesen minnkaði muninn fyrir Keflvíkinga á 43. mínútu með marki af vítapunktinum. Magnús Þórir skoraði sitt annað mark eftir rúman klukkutíma leik og kom Njarðvík í 1-3. Oumar Diouck innsiglaði svo 1-4 sigur þeirra í blálok leiksins. Magnaður sigur C-deildarliðsins.
Stjarnan tók á móti KR í stórleik. Hallur Hansson kom gestunum yfir strax á 5. mínútu. Atli Sigurjónsson tvöfaldaði forystuna eftir rúman hálftíma leik þegar skot hans fór af varnarmanni Stjörnunnar og í netið. Stjarnan tók aðeins við sér í seinni hálfleik og fékk nokkur færi. Það var hins vegar KR sem innsiglaði sigurinn með marki Arons Þórðar Albertssonar á 83. mínútu.
FH tók á móti 3. deildarliði Kára. Heimamönnum tókst ekki að brjóta ísinn í fyrri hálfleik þrátt fyrir yfirburði. Það gerðu þeir þó eftir tíu mínútur í seinni hálfleik þegar steven Lennon skoraði. Það var svo ekki fyrr en á 87. mínútu sem annað markið kom en það gerði Björn Daníel Sverrison. Steven Lennon innsiglaði svo 3-0 sigur FH í uppbótartíma.
